करिश्माका फ्यान : छातीमा अटोग्राफ माग्नेदेखि अँगालो हाल्नेसम्म…..

0

फ्यान पछि लागेर स्कुल जान छाडेँ – आजभन्दा ३० वर्ष पहिला आफ्नो भावना कसरी दर्शाउने भन्ने कुरा मेरा फ्यानहरूलाई थाहा थिएन । उहाँहरूले मलाई भेट्दा बोलाउने शब्दहरू त्यस्तै खालका हुन्थे । किनभने अहिलेको जस्तो खुला समाज थिएन । जसले गर्दा अहिलेका जोकोहीलाई आफ्नो भावना कसरी प्रस्तुत गर्ने भन्ने कुराको राम्रो ज्ञान छ । तर, म १४ वर्षकी हुँदा स्कुल आउने–जाने वेलामा मेरा फ्यानहरू मेरो पछि–पछि लाग्थे ।

जुन वेलामा मैले ‘सन्तान’ चलचित्रमा अभिनय गरिसकेकी थिएँ । त्यसवेलामा उनीहरूले पनि आफ्नो भावना मलाई भनेनन् र मैले पनि उनीहरूको भावना बुझिनँ । उनीहरू पछि लागेको देख्दा मलाई निकै पिर पथ्र्यो । अन्ततः मैले स्कुल जानै छाडेँ । पछि उनीहरू मेरो फ्यान रहेछन् भन्ने बुझेँ ।

रगतले लेखेका चिठी पनि आउँथे

पहिला–पहिला रगतले लेखेका चिठी थुप्रै आउँथे । फ्यानहरूले चिठीमा रगतले लेखेको हुँ भन्नुहुन्थ्यो । साथै, धेरैजसो चिठीमा ‘आई लभ यू’ लेखिएका हुन्थे । मलाई प्रायःजसो युवाले नै चिठी लेख्ने हुँदा यस्ता कुरा लेख्नु स्वाभाविक नै हो । तर, मलाई रगतले लेखेका चिठी थुप्रै आउँथे । मैले चिठीको रिप्लाईचाहिँ कहिल्यै गरिनँ । यसरी फ्यानहरूले पठाएको चिठी ल्याउने हुलाकीलाई मैले पैसा  नै दिनुपथ्र्यो ।

छातीमा अटोग्राफ दिन लगाउने अनिल

०४७ तिरको कुरा हो । जावलाखेल चिडियाखानामा ‘अरुणिमा’ चलचित्रको सुटिङ भइरहेको थियो । त्यहाँ अनिल गुरुङ नाम गरेको युवक आउनुभयो । उहाँ मेरो डाइहार्ड फ्यान हुनुहुँदो रहेछ । उहाँले आफ्नो छातीमा अटोग्राफ माग्नुभयो ।

मैले अटोग्राफ दिएँ । उहाँ खुसी भएर जानुभयो । अहिले उहाँ मेरो फेसबुकमा साथी हुनुहुन्छ । कुराकानी हुन्छ । एक दिन मैले उहाँलाई एक ठाउँमा एक्कासि भेटेँ । मैले चिनिनँ, तर उहाँले नै त्यो वेला मैले उहाँको छातीमा अटोग्राफ दिएको सम्झाउनुभयो ।

विनोदजीकै अघि अपरिचित युवकले अँगालो हाले

आजभन्दा धेरै वर्ष पहिला स्वयम्भूमा ‘कस्तुरी’ चलचित्रको सुटिङ भइरहेको थियो । त्यहाँ एकजना युवक आएर मलाई झ्याम्मै अंकमाल ग¥यो । म आत्तिएँ । त्यहाँ विनोदजी पनि हुनुहुन्थ्यो । त्यो वेलामा हाम्रो विवाह भएको थिएन । त्यो मानिसले मलाई यसरी च्याप्यो कि ऊबाट फुत्कन निकै गाह्रो भयो । पछि मलाई रिस उठ्यो अनि पिट्छु भनेर चिच्याएँ । तर, पिट्नचाहिँ पिटिनँ ।

महेश तिमल्सिना/ नयाँ पत्रिकाबाट

You might also like More from author

Leave A Reply

Your email address will not be published.